Um Blóðbankann

Blóðbankaþjónustunni er ætlað að tryggja nægilegt magn blóðhluta á hverjum tíma og uppfylla kröfur um öryggi þeirra.

Hlutverk

  • Hlutverk Blóðbankans er að veita örugga blóðbankaþjónustu á landsvísu.
  • Einnig veitir Blóðbankinn þjónustu vegna fruma og vefja, líffæraflutninga og stofnfrumumeðferðar.
  • Blóðbankinn stuðlar að nýjungum og framförum með kennslu og rannsóknum á sínu starfssviði og með samstarfi við erlenda og innlenda aðila.
  • Blóðbankinn hefur mikilvægu hlutverki að gegna varðandi kynningu og fræðslu til almennings og blóðgjafa um blóðbankastarfsemi.

Stefna

  • Blóðbankinn stefnir að því að vera í hópi bestu blóðbanka í alþjóðlegum samanburði og í fararbroddi íslenskrar heilbrigðisþjónustu.
  • Blóðbankinn setur örugga og góða þjónustu í öndvegi.
  • Blóðbankinn vill tryggja velferð blóðgjafa með fagmennsku og markvissri miðlun upplýsinga.
  • Í Blóðbankanum er virkt gæðakerfi, grundvallað á innlendum og alþjóðlegum kröfum, sem tryggir rétt vinnubrögð, gæði og öryggi í framleiðslu og þjónustu.
  • Blóðbankinn vill skapa aðlaðandi andrúmsloft fyrir blóðgjafa og almenning og stuðla að auknu heilbrigði þeirra.
  • Blóðbankinn framleiðir blóðhluta og veitir þjónustu sem miðar að því að mæta þörfum viðskiptavina sinna.
  • Með fræðslu til samfélagsins vill Blóðbankinn skapa traustvekjandi umgjörð um starf sitt.
  • Blóðbankinn leggur áherslu á öflugar grunnrannsóknir sem stuðla að framförum og leggja grunninn að nýjungum og bættri þjónustu.
  • Blóðbankinn ætlar að skapa örvandi og áhugavert starfsumhverfi og um leið laða til sín hæft starfsfólk sem tekur þátt í mótun og þróun starfsins.

Blóðbankinn hefur starfsstöðvar á Snorrabraut 60 í Reykjavík og á Sjúkrahúsi Akureyrar.

Byggir á LiSA vefumsjónarkerfi frá Advania